डॉ.बाबासाहेब आंबेडकर यांचा विषय निबंध / Dr Babasaheb Ambedkar Nibandh In Marathi Short.
डॉ. बाबासाहेब आंबेडकर हे भारताचे थोर समाजसुधारक आणि नेते होते. त्यांचे मूळ नाव भीमराव आंबेडकर होते. त्यांचा जन्म 14 एप्रिल 1891 रोजी मध्यप्रदेशातील महू गावात झाला. त्यांचे वडील रामजी सकपाळ आणि आई भीमाबाई होत्या. बाबासाहेब बालपणापासूनच बुद्धिमान व निडर होते. गरिबी आणि अडचणींवर मात करून त्यांनी उच्च शिक्षण घेतले आणि अर्थशास्त्रात प्राविण्य मिळवले.
डॉ. आंबेडकर यांनी अस्पृश्यता आणि दलितांच्या हक्कांसाठी अनेक आंदोलनं केली होती. त्यांनी महाडच्या चवदार तळ्याचा वापर सर्व अस्पृश्यांना खुला केला होता. स्वतंत्र भारताच्या संविधान निर्मितीत त्यांचा महत्त्वाचा वाटा होता. भारताचे पहिले कायदामंत्री म्हणून त्यांची निवड झाली. 6 डिसेंबर 1956 रोजी त्यांचे निधन झाले. त्यांच्या कार्याचा गौरव म्हणून 1990 साली त्यांना मरणोत्तर भारतरत्न पुरस्काराने सन्मानित करण्यात आले. दलित समाज त्यांना देवतासमान मानतो. अशा महान व्यक्तिमत्त्वाला कोटी कोटी प्रणाम!
डॉ.बाबासाहेब आंबेडकर निबंध मराठी दहा ओळ / Dr Babasaheb Ambedkar Nibandh In Marathi 10 lines.
1. डॉ. भीमराव रामजी आंबेडकर यांचा जन्म 14 एप्रिल 1891 रोजी महू, मध्य प्रदेश येथे झाला.
2. त्यांचे वडील रामजी आंबेडकर आणि आई भीमाबाई धार्मिक व कष्टकरी स्वभावाचे होते.
3. लहानपणी त्यांना “भीमराव” या नावाने ओळखले जायचे.
4. ते भारतीय समाज सुधारक, राजकारणी आणि संविधानाचे शिल्पकार होते.
5. त्यांनी दलित समाजाच्या उद्धारासाठी आणि अस्पृश्यतेच्या विरोधात अनेक चळवळी केल्या.
6. त्यांनी कोलंबिया विद्यापीठ आणि लंडन स्कूल ऑफ इकॉनॉमिक्समधून डॉक्टरेट मिळवली.
7. त्यांनी 26 जानेवारी 1950 रोजी भारताचे संविधान देशाला अर्पण केले.
8. 1990 साली त्यांना भारतरत्न या सर्वोच्च सन्मानाने गौरविण्यात आले.
9. त्यांनी 6 डिसेंबर 1956 रोजी या जगाचा निरोप घेतला.
10. डॉ. बाबासाहेब आंबेडकर हे भारतीय इतिहासातील एक महान व्यक्तिमत्त्व आहेत.
भारतरत्न डॉ.बाबासाहेब आंबेडकर निबंध / Dr Babasaheb Ambedkar Essay In Marathi.
परिचय
डॉ.बाबासाहेब आंबेडकर हे भारताचे थोर नेते, समाजसुधारक आणि भारतीय संविधानाचे शिल्पकार आहेत. त्यांचा जन्म 14 एप्रिल 1891 रोजी मध्यप्रदेशातील महू गावात झाला. त्यांचे मूळ नाव भीमराव रामजी आंबेडकर होते. त्यांच्या कार्याने भारतीय समाजात अस्पृश्यांबद्दल मोठा क्रांतिकारक बदल घडवून आणला.
शिक्षण आणि कार्यक्षेत्र
बाबासाहेबांनी लंडन स्कूल ऑफ इकॉनॉमिक्स आणि कोलंबिया विद्यापीठातून अर्थशास्त्रात डॉक्टरेट मिळवली. त्यांनी कायदा, अर्थशास्त्र आणि राजकारणाच्या क्षेत्रात संशोधन करून विद्वत्तेचा दर्जा गाठला. युवक असताना डॉ. बाबासाहेब आंबेडकर अर्थतज्ज्ञ, प्राध्यापक आणि वकील होते.
समाजसुधारकाची भूमिका
डॉ.बाबासाहेब आंबेडकर यांनी अस्पृश्यता आणि दलितांच्या हक्कांसाठी पूर्ण जन्म संघर्ष केला. त्यांनी बौद्ध धर्म स्वीकारून लाखो दलितांना नवीन जीवनाची दिशा दिली. श्रमिक, महिला आणि दलितांच्या हक्कांसाठी त्यांनी आंदोलन केले. महाडच्या चवदार तळ्याचा वापर सर्वांसाठी खुला करण्याचा त्यांनी मोठा लढा दिला.
भारतीय संविधानाचे शिल्पकार
स्वतंत्र भारताच्या संविधान निर्मितीत डॉ.बाबासाहेब आंबेडकर यांनी महत्त्वाची भूमिका बजावली. त्यांना भारताचे पहिले कायदामंत्री म्हणून नेमण्यात आले. भारतीय समाजातील विविधता आणि समता यांचा विचार करून त्यांनी संविधानाला न्याय्यतेचा आधार दिला.
मृत्यू आणि गौरव
6 डिसेंबर 1956 रोजी बाबासाहेबांचे दिल्ली येथे निधन झाले. त्यांच्या कार्याचा गौरव म्हणून 1990 साली त्यांना मरणोत्तर भारतरत्न पुरस्काराने सन्मानित करण्यात आले.
निष्कर्ष
डॉ.बाबासाहेब आंबेडकर हे भारतीय इतिहासातील एक महान व्यक्तिमत्त्व होते. त्यांच्या विचारांनी आणि कार्याने देशाला समतावादी समाजाची दिशा दिली. अशा या थोर नेत्याला भारत सदैव आठवत राहील.
अधिक वाचा : महापरिनिर्वाण दिन भाषण मराठी
घटनाकार डॉ.बाबासाहेब आंबेडकर निबंध / Essay On Dr Babasaheb Ambedkar Nibandh Marathi.
परिचय
डॉ.बाबासाहेब आंबेडकर हे भारतीय समाजाचे एक अद्वितीय नेतृत्व करणारे थोर व्यक्तिमत्त्व होते. त्यांना भारतीय संविधानाचे शिल्पकार म्हणून ओळखले जाते. त्यांचे जीवन संघर्षमय होते, परंतु त्यातून त्यांनी आपल्या कार्याने अस्पृश्य समजले जाणाऱ्या समाजाला समानतेचा अधिकार दिला.
जन्म आणि कुटुंबीय पार्श्वभूमी
डॉ.बाबासाहेब आंबेडकर यांचा जन्म 14 एप्रिल 1891 रोजी मध्य प्रदेशातील महू गावात झाला. त्यांचे मूळ नाव भीमराव रामजी आंबेडकर होते. त्यांचे वडील रामजी आणि आई भीमाबाई यांचा प्रभाव त्यांच्या आयुष्यावर होता. त्यांच्या वडिलांनी शिक्षणावर भर देत त्यांना उच्चशिक्षित बनायचे धडे दिले.
शिक्षणातील संघर्ष आणि यश
डॉ.बाबासाहेब आंबेडकर हे लहानपणापासूनच बुद्धिमान होते, परंतु त्याकाळी चालणाऱ्या अस्पृश्यतेच्या रोगामुळे त्यांना शिक्षण घेण्याच्या प्रवासात अनेक अडचणींना सामोरे जावे लागले. त्यांनी मुंबई विद्यापीठातून बीए पदवी घेतली आणि नंतर कोलंबिया विद्यापीठ आणि लंडन स्कूल ऑफ इकॉनॉमिक्समधून अर्थशास्त्रात डॉक्टरेट मिळवली. त्यांच्या घरात सुमारे 50,000 पुस्तके होती, जी त्यांच्या वाचनाची आवड दाखवते.
सामाजिक आणि राजकीय योगदान
डॉ.बाबासाहेब आंबेडकर यांनी दलित समाजासाठी अनेक आंदोलनं केली. त्यांनी अस्पृश्यतेच्या विरोधात संघर्ष करून समाजाला समानतेची दिशा दिली. त्यांनी भारतीय संविधान तयार केले, जे सामाजिक न्याय आणि समतेसाठी जगभरात प्रसिद्ध आहे.
शिक्षणाचा संदेश
डॉ.बाबासाहेब आंबेडकर म्हणणे होते, “शिक्षण हे समाज बदलण्याचे सर्वात प्रभावी साधन आहे.” त्यांनी लोकांना शिक्षण घेण्याचे महत्त्व पटवून दिले.
निधन आणि गौरव
डॉ.बाबासाहेब आंबेडकर यांचे 6 डिसेंबर 1956 रोजी निधन झाले. त्यांना मरणोत्तर भारतरत्न पुरस्काराने सन्मानित करण्यात आले.
निष्कर्ष
डॉ.बाबासाहेब आंबेडकर यांचे जीवन हा संघर्ष, शिक्षण आणि समानतेच्या लढ्यासाठी ओळखले जाते व कायम ओळखले जाईल. भारतीय समाजाच्या विकासात त्यांचे योगदान अजरामर राहील. अशा या थोर व्यक्तिमत्त्वाला मानाचा मुजरा!
महामानव डॉ.बाबासाहेब आंबेडकर निबंध मराठी / Mahamanav Dr Babasaheb Ambedkar Nibandh Marathi.
प्रस्तावना
डॉ.बाबासाहेब आंबेडकर हे भारतीय समाजातील थोर समाजसुधारक, आणि भारतीय संविधानाचे शिल्पकार म्हणून ओळखले जातात. त्यांनी अस्पृश्यतेच्या विरोधात आणि दलितांच्या अधिकारांसाठी आयुष्यभर त्यांनी संघर्ष केला. त्यांच्या कर्तृत्वाने भारतातील सामाजिक परिवर्तनाचे नवे पर्व सुरू झाले आणि सर्वांना समानतेचा अधिकार मिळाला.
जन्म व प्रारंभिक जीवन
डॉ. बाबासाहेब आंबेडकर यांचा जन्म 14 एप्रिल 1891 रोजी मध्य प्रदेशातील महू या गावी झाला. त्यांचे वडील रामजी मालोजी सकपाल हे ब्रिटिश सैन्यात सूबेदार होते, तर आई भीमाबाई धार्मिक व साधी स्वभावाची होती. डॉ. बाबासाहेब आंबेडकरांचे बालपण अत्यंत प्रतिकूल परिस्थितीत गेले. अस्पृश्यतेच्या भेदभाव मुळे शाळेत त्यांना जमिनीवर बसावे लागायचे आणि सगळ्या मुलांसाठी ठेवलेल्या पाण्यातून पाणी पिता येत नव्हते. या अनुभवाने त्यांच्या मनावर खोल परिणाम झाला व त्यांनी समाजात बदल घडवण्याचा संकल्प मनाशी केला.
शिक्षण आणि संघर्ष
डॉ.बाबासाहेब आंबेडकर यांनी 1908 मध्ये मॅट्रिक परीक्षा उत्तीर्ण केली आणि मुंबई विद्यापीठातून अर्थशास्त्र आणि राज्यशास्त्रात पदवी घेतली. सयाजीराव गायकवाड यांच्या शिष्यवृत्तीमुळे त्यांना न्यूयॉर्कच्या कोलंबिया विद्यापीठात उच्च शिक्षण घेण्याची संधी मिळाली. त्यांनी अर्थशास्त्रात एम.ए. व पीएच.डी. पदवी प्राप्त केली आणि नंतर लंडन स्कूल ऑफ इकॉनॉमिक्समधून डॉक्टरेट मिळवली. त्यांच्या ज्ञानाची व्याप्ती अर्थशास्त्र, राज्यशास्त्र, आणि कायदा या क्षेत्रांपर्यंत पसरलेली होती.
समाजासाठी योगदान
डॉ.बाबासाहेब आंबेडकर यांचे जीवन दलित आणि मागासलेल्या समाजाच्या उन्नतीसाठी समर्पित होते. त्यांनी 1927 साली महाड सत्याग्रहाचे नेतृत्व केले, ज्यामुळे अस्पृश्यांना सार्वजनिक पाण्याचा अधिकार मिळाला. त्यांनी हिंदू धर्मातील जातिभेदावर प्रखर प्रहार केला आणि दलितांमध्ये शिक्षणाचा प्रचार केला.
भारतीय संविधानाचे शिल्पकार
स्वतंत्र भारताच्या संविधान निर्मितीत डॉ.बाबासाहेब आंबेडकर यांचे योगदान अमूल्य आहे. ते संविधानाच्या प्रारूप समितीचे अध्यक्ष होते. त्यांच्या नेतृत्वाखाली भारताला समानता, स्वातंत्र्य, आणि धर्मनिरपेक्षतेच्या तत्त्वांवर आधारित संविधान मिळाले. त्यांनी भारताला आधुनिक लोकशाहीत रूपांतरित करण्यात महत्त्वाची भूमिका बजावली.
धर्मांतर आणि शेवटचा प्रवास
हिंदू धर्मातील असमानता दूर करण्याच्या प्रयत्नांना अपयश आल्यामुळे त्यांनी ऑक्टोबर 1956 मध्ये लाखो अनुयायांसह बौद्ध धर्म स्वीकारला. 6 डिसेंबर 1956 रोजी त्यांचे निधन झाले. त्यांच्या निधनानंतरही त्यांचे कार्य प्रेरणादायक आहे. 1990 साली त्यांना भारतरत्न पुरस्काराने गौरविण्यात आले.
निष्कर्ष
डॉ.बाबासाहेब आंबेडकर हे भारतीय समाजासाठी परिवर्तनाचा दीपस्तंभ होते. त्यांनी शिक्षण, संघर्ष, आणि संविधानाच्या माध्यमातून समाजाला नवी दिशा दिली. त्यांचे कार्य भारताच्या इतिहासात सदैव अजरामर राहील.
आधीक वाचा : – Dr Babasaheb Ambedkar Jayanti Speech In Marathi